ஆருயிர் உறவே!
ஆனந்தம் ஆனந்தமே
1.ஒரு நாளுந்தயை கண்டேனையா
அன்னா ளெனை வெறுத்தேனையா
உம் தயை பெரிதையா - என் மேல்
உம் தயை பெரிதையா - அன்பே
2.பரலோகத்தின் அருமைப் பொருளே
நரலோகரி லன்பேனையா
ஆழம் அறிவேனோ - அன்பின்
ஆழம் அறிவேனோ - அன்பே
3.அலைந்தேன் பலநாள் உமையுமறியா
மறந்தே திரிந்த துரோகியை
அணைத்தீர் அன்பாலே - என்னையும்
அணைத்தீர் அன்பாலே - அன்பே
4.பூலோகத்தின் பொருளின் மகிமை
அழியும் புல்லின் பூவைப் போல்
வாடாதே ஐயா - அன்பு
வாடாதே ஐயா - அன்பே
5.இப்பாரினில் உம் அன்பின் இனிமை
இயம்பற் கியலாதாகில் யான்
இசைக்கவும் எளிதாமோ பரத்தில்
இசைக்கவும் எளிதாமோ - அன்பே
No comments:
Post a Comment